Тошкентдан Краснодарга автобус қатнови йўлга қўйилди

TASHKENT. Kazinform - «Тошкент» автовокзалидан Краснодарга мунтазам автобус қатновлари йўлга қўйилди, деб хабар беради Kazinform агентлиги Ўзбекистон Транспорт вазирлигига таяниб.

Қатновлар «Uzautotrans service» корхонаси томонидан ҳафтанинг сешанба ва жума кунлари Yutong автобусларида амалга оширилади. Чипта нархи 900 минг сўм этиб белгиланган.

Илк қатнов 8 апрель куни бажарилади. Автобус «Тошкент» автовокзалидан соат 20:00 да жўнаб кетади.

Чипталарни электрон шаклда avtoticket.uz сайти ҳамда UzBus мобил иловаси орқали, шунингдек, «Тошкент» автовокзали кассаларидан сотиб олиш мумкин.

Эслатиб ўтамиз, Қозоғистондан Ўзбекистонга янги ҳаво йўналиши очилгани ҳақида хабар берган эдик.