Тошкентда Евроосиё дўстлик кубоги ўтмоқда

TASHKENT. Kazinform – Тошкент шаҳридаги «Ҳумо Арена» мажмуасида хоккей бўйича Евроосиё дўстлик кубогининг очилиш маросими бўлиб ўтди, деб хабар беради Kazinform ЎзАга таяниб.

Бу галги Евроосиё дўстлик кубогида Ўзбекистон, Россия, Беларусь ва Қозоғистон мамлакатлари клублари иштирок этади. Аниқроғи, мусобақада “АКМ” (Россия), “Брест” (Беларусь), “Арлан” (Қозоғистон) ва “Ҳумо” (Ўзбекистон) хоккей жамоалари ўзаро беллашади.

Маълумот ўрнида: “Ҳумо” илк баҳсини 15 августда “Брест”га қарши ўтказди. 17 августда эса “АКМ” билан, 18 августда “Арлан” клубига қарши музга тушади.