Тошкентда бильярд бўйича очиқ халқаро турнир бўлиб ўтмоқда

Тошкентда бильярд бўйича очиқ халқаро турнир бўлиб ўтмоқда. Турнирда Россия, Қозоғистон, Қирғиз Республикаси ҳамда Ўзбекистондан 68 нафар ҳаваскор бильярд усталари иштирок этмоқда, деб ёзади ЎзА агентлиги.

Куннинг биринчи ярмида «Лидер» бильярд клубида мусобақанинг тантанали очилиш маросими бўлиб ўтди. Унда Бильярд федерацияси масъуллари, фахрийлар, мухлислар, мусобақа иштирокчилари ҳамда оммавий ахборот воситалари вакиллари иштирок этдилар.

Халқаро очиқ турнирнинг ғолиб ва совриндорлари 29 сентябрь куни маълум бўлади.