"Тошкент – Москва – Тошкент" йўналишида йўловчи поездлар қатнови йўлга қўйилди

TASHKENT. Kazinform - “Ўзтемирйўлйўловчи” АЖ матбуот хизматининг маълум қилишича, қарийб 4 ярим йиллик танаффусдан сўнг "Тошкент – Москва – Тошкент" йўналишида поездлар ҳаракатини амалга ошириш учун “Тошкент йўловчи вагонларини қуриш ва таъмирлаш заводи” АЖ да ишлаб чиқарилган замонавий, халқаро талабларга тўлиқ жавоб берадиган, купе ва плацкарт вагонлар ҳамда вагон-ресторан ажратилди, деб ёзади ЎзА агентлиги.

505-сонли Тошкент – Москва поезди Қозоғистон Республикасининг 17 та, Россия Федерациясининг 11 та темир йўл вокзалидан ўтиб, жорий йил 27 сентябрь куни соат 23:12 да Москвадаги “Павелецкий” темир йўл вокзалига етиб боради.

506-сонли Москва – Тошкент поезди эса 28 сентябрь куни соат 05:40да “Павелецкий” вокзалидан ҳаракатини бошлайди. Ушбу халқаро йўналишдаги қатновлар учун чегирмалар ташкил этилган.