Toshiba Россиядаги буюртмаларини тўхтатди
«Биз вазиятни кузатишда давом этамиз ва можаронинг тезроқ ҳал этилишини кутамиз», - дейилади япон компанияси чоршанба куни ўз веб- сайтида эълон қилинган баёнотида.
Корпорация, шунингдек, Украинага гуманитар ёрдам сифатида халқаро ташкилотлар орқали 100 млн иен (774 минг доллар) юборилишини таъкидлади.
Toshiba шунингдек, Россия Федерациясидаги фаолиятдан олинган фойда компаниянинг ўтган молиявий йилдаги умумий даромад даражасининг тахминан 0,2 фоизини ташкил қилганини қўшимча қилди (2022 йил 31 мартда якунланди).
Бугунги кунга қадар Россияда расман рўйхатдан ўтган япон компанияларининг учдан биридан ортиғи Украинадаги вазият туфайли Россия Федерациясини тарк этган ёки мамлакатдаги фаолиятини тўхтатган.
Хусусан, Toyota Motor, Nissan Motor автомобил ишлаб чиқарувчилари ва дунёдаги энг йирик шина ишлаб чиқарувчилардан бири Bridgestone Россиядаги корхоналарини вақтинча тўхтатди. Fast Retailing Co. компанияси Uniqlo кийим-кечак дўконлари ёпилишини эълон қилди.
