Топ-10: 2023 йилда энг кўп даромад олувчи спортчилар

«Sportico» журнали 2023 йил якунлари бўйича энг кўп даромад топадиган 100 нафар спортчи рейтингини тузиб чиқди, деб хабар беради Kazinform.

«Репорт» хабарига кўра, биринчи ўрин Саудия Арабистонининг «Ал-Наср» футбол жамоасининг португалиялик футболчиси Криштиану Роналдуга насиб этди.

2023 йилда футболчи 275 миллион доллар (ҳомийлардан 60 миллион доллар – Эслатма) ишлаб топган. Футболчи ўтган йилнинг 2 январида клуб билан шартнома имзолаган ва шартномага кўра йилига 200 миллион евро олади.

Гольфчи Жон Рамнинг даромади Роналдуникидан 72 миллион долларга кам. 2023 йилнинг энг бадавлат спортчиларининг дастлабки учлигини «Интер Маями» ҳужумчиси, аргентиналик Лионел Месси банд этган. Амалдаги жаҳон чемпиони бир йилда 130 миллион доллар ишлаб топган.

Sportico'нинг энг яхши 10 та рейтинги қуйидагича:

Криштиану Роналду (футбол) – 275 млн доллар

Жон Рам (гольф) - 203 млн доллар

Лионел Месси (футбол) – 130 млн доллар

Леброн Жеймс (баскетбол) – 125,7 млн доллар

Килиан Мбаппе (футбол) – 125 млн доллар

Неймар (футбол) – 121 млн доллар

Стивен Карри (баскетбол) – 98,9 млн доллар

Жаннис Андетокумпо (баскетбол) – 88,4 млн доллар

Кевин Дюрант (баскетбол) – 86,9 млн доллар

Патрик Маҳомес (Америка футболи) – 84,3 млн доллар.