Токиода июль ойидаги жазирама 120 кишининг ҳаётига зомин бўлди

ASTANA. Kazinform - Японияда ғайритабиий иссиқлик пасаймайди. Расмий маълумотларга кўра, июль ойида Токиода жазирама оқибатида 120 дан ортиқ киши ҳалок бўлган. Уларнинг аксарияти 60 ёшдан ошганлардир. Бу ҳақда Kazinform euronews.comга таяниб хабар беради.

Ўтган ой мамлакатда 1898 йилдан бери олиб борилаётган кузатувлар тарихидаги энг иссиқ ой бўлди. Ҳарорат ўртача кўрсаткичдан 2,16 даража юқори эди.

37 000 япон тиббий ёрдамга муҳтож бўлди.

Сешанба куни Токио ва Япониянинг ғарбий қисмида иссиқ об-ҳаво ҳақида огоҳлантиришлар эълон қилинди. Пойтахт марказида ҳаво ҳарорати тахминан +34 даражагача кўтарилди.

“Иссиқ давр йил сайин узаяётганини ҳис қиляпман. Менда кондиционер кун бўйи ишлайди, ҳатто ухлаётганимда ҳам. Мен ташқарига чиқмасликка ҳаракат қиламан”, - деб шикоят қилади Киотодан бир киши.

Маҳаллий об-ҳаво хизмати маълумотларига кўра, август ойида иссиқлик пасаймайди, аксинча, ҳарорат кўтарилади. Яқин кунларда мамлакат пойтахтида +35 ва ундан юқори ҳарорат кутилмоқда.

Япония соғлиқни сақлаш идоралари ва синоптиклар аҳоли ва сайёҳларга уйда қолишни, етарли миқдорда суюқлик ичишни ва кондиционердан фойдаланишни тавсия қилади.