Тоқаев вақт минтақаси ҳақида: Мунозарани тўхтатиш керак

BURABAİ. Кazinform – Президент Қасим-Жомарт Тоқаев Бурабайда бўлиб ўтаётган Миллий қурултойнинг IV йиғилишида ягона вақт минтақасига ўтиш масаласи бўйича ўз фикрини билдирди.

- Энди ягона вақт минтақасига ўтиш ҳақидаги муҳокамага тўхталсам. Ҳукумат ва Парламент бу масалани муҳокама қилди. Махсус тадқиқотлар ўтказилиб, қарорга шубҳа қилган жамоатчилик фаолларининг хавотири, шубҳа ва гумонлари ўз тасдиғини топмади, — деди Давлат раҳбари.

Давлат раҳбари амалдаги тизим давлат бошқаруви вазифаларини соддалаштирганини таъкидлади.

— Ҳукумат ва депутатларнинг мутлақ кўпчилиги, шунингдек, экспертларнинг фикр-мулоҳазаларига қўшиламан: бизнинг ҳудудимиз кенг, аҳолимиз эса нисбатан кам. Шунинг учун мамлакатимизда ягона вақт минтақаси бўлиши керак. Ушбу ёндашув давлат бошқарувини соддалаштиради, логистика ва кўплаб бизнес жараёнларини оптималлаштиришга ёрдам беради. Менимча, бу мунозарани тугатиши керак ва бу масалани сиёсийлаштиришга ҳожат йўқ, — деди Қасим-Жомарт Тоқаев.

Эслатиб ўтамиз, аввалроқ Бурабай шаҳрида Президент Қасим-Жомарт Тоқаев иштирокида Миллий қурултойнинг IV йиғилиши бошлангани ҳақда хабар берган эдик.

Шунингдек, Президент уч йил ичида Қозоғистон янги типдаги давлатга айланганини таъкидлади.