Тоқаев Россия хоккей федерацияси президенти Владислав Третьякни қабул қилди
ASTANA. Kazinform – Учрашувда МДҲ давлатларида хоккейни ривожлантириш масалалари муҳокама қилинди.
ҚР Президенти Қасим-Жомарт Тоқаев сўнгги йилларда Қозоғистонда хоккей спорти кўлами сезиларли даражада кенгайганини таъкидлади.
Давлат раҳбарининг сўзларига кўра, астаналик “Барис” клуби бошчилигидаги мамлакат жамоаларининг ҚХЛ чемпионати ва бошқа турнирларда иштирок этиши, миллий терма жамоанинг жаҳон чемпионатларида муваффақиятли иштирок этиши ушбу спорт турининг кенг тарқалишига ижобий хизмат қилади.
Хусусан, Қозоғистонда хоккей мактаблари, ёшлар жамоалари кўпайиб, турли даражадаги мусобақалар фаол ташкил этилди.
Владислав Третьяк меҳмондўстлик ва Астана шаҳрида ўтказилаётган «Qazaqstan Hockey Open 2024» халқаро турнири юқори савияда ташкил этилгани учун миннатдорлик билдирди.
Шунингдек, у Қозоғистонда хоккей спорти вакиллари эришаётган юксак муваффақиятларга эътибор қаратиб, бундай муваффақиятлар давлат томонидан жамоавий спортга қаратилаётган юксак эътибор самараси эканини таъкидлади.
