Тоқаев қозоғистонлик ҳарбийларнинг ҳалок бўлиши муносабати билан таъзия билдирган Путинга миннатдорчилик изҳор этди
ASTANА. Кazinform – Қасим-Жомарт Тоқаев Россия Президенти Владимир Путинга Каспий денгизидаги ҳарбий машқлар пайтида қозоғистонлик ҳарбийларнинг ҳалок бўлиши муносабати билан таъзия билдиргани учун миннатдорчилик изҳор этди. Бу ҳақда Ақорда матбуот хизмати хабар берди.
Қасим-Жомарт Тоқаев Россия Президенти Владимир Путинга Каспий денгизидаги ҳарбий машқлар пайтида қозоғистонлик ҳарбийларнинг ҳалок бўлиши муносабати билан таъзия билдиргани учун миннатдорчилик изҳор этди.
Давлат раҳбари мамлакат учун бундай оғир дамларда Қозоғистон Россия раҳбари ва халқининг самимий тилаклари ва қўллаб-қувватлашини алоҳида қадрлашини таъкидлади.
Эслатиб ўтамиз, Каспийда ҳалок бўлган ҳарбий хизматчилар сони 12 нафарга етди, икки нафари қидирилмоқда.
Шунингдек, Қозоғистонда 25 сентябрь умуммиллий мотам куни деб эълон қилинди.
