Тоқаев фақат маҳаллий маҳсулотлар билан жиҳозланган Harmony Steam School мактабига борди

Тоқаев фақат маҳаллий маҳсулотлар билан жиҳозланган Harmony Steam School мактабига борди
Фото: Ақорда

ҚР Президенти YDA Industrial Park қўшма ишлаб чиқариш мажмуаси фаолияти билан танишди. Кўп тармоқли мажмуа тиббиёт ва офис мебеллари, тиббий асбоб-ускуналар, модулли бинолар ва металл конструкциялар, дераза ва витражлар ишлаб чиқарадиган бешта корхонани ўз ичига олади, деб хабар беради Каzinform.

Ушбу бешта корхона бир-бири билан чамбарчас боғлиқ бўлиб, шу орқали умумий лойиҳани амалга оширишда биргаликда иштирок этади.

Тоқаев фақат маҳаллий маҳсулотлар билан жиҳозланган Harmony Steam School мактабига борди
Фото: Ақорда

Бу мажмуанинг ўзига хос жиҳати. Ишлаб чиқарилаётган маҳсулотлар эса импорт ўрнини босади.

Товарларнинг нархи ва сифати хорижий эквивалентларидан қолишмайди.

Тоқаев фақат маҳаллий маҳсулотлар билан жиҳозланган Harmony Steam School мактабига борди
Фото: Акорда

Қасим-Жомарт Тоқаев компаниянинг ишлаб чиқариш цехлари ва маҳсулотлар намойиш этилган кўргазма залида бўлди.

Лойиҳа инвестори Туркиянинг YDA Group компанияси директорлар кенгаши раиси Хуссейн Арслоннинг сўзларига кўра, қўшма ишлаб чиқариш майдончаси хусусий сармоя (30 фоиз) ва қарз маблағлари (70 фоиз) ҳисобидан 2021-2022 йилларда ишга туширилган.

Тоқаев фақат маҳаллий маҳсулотлар билан жиҳозланган Harmony Steam School мактабига борди
Фото: Ақорда

Умумий қиймати 22 миллиард тенге бўлган лойиҳа доирасида 300 киши иш билан таъминланган.

Президент
Фото: Ақорда

YDA Group маҳсулотлари билан тўлиқ жиҳозланган ва компания маблағлари ҳисобидан қурилган «Harmony Steam School» мактаби Давлат раҳбарига тақдим этилди.

Болалар бу ерда STEAM (Science, Technology, Engineering, Arts, Math) технологияси бўйича таҳсил олади. Мактаб битирувчилари муҳандислик касбини эгаллайдилар.

Тоқаев фақат маҳаллий маҳсулотлар билан жиҳозланган Harmony Steam School мактабига борди
Фото: Акорда

“STEAM – физика ва математика каби техник фанларга эътибор қаратиладиган махсус дастур. Мен сифатли таълим билан боғлиқ барча ташаббусларга ижобий қарайман. Биз сизни қўллаб-қувватлаймиз”, – деди Қасим-Жомарт Тоқаев.

Давлат раҳбари маҳаллий ишлаб чиқаришни ривожлантириш, йирик лойиҳаларни амалга оширишда маҳаллий маҳсулот ва хизматлар улушини ошириш муҳимлигини таъкидлади.

Тоқаев фақат маҳаллий маҳсулотлар билан жиҳозланган Harmony Steam School мактабига борди
Фото: Ақорда
Сўнгги хабарлар