11:12, 10 Апрел 2023 | GMT +6
Tesla Шанхайда яна бир гигафабрика қуради
![None None](/static/img/plug.webp)
ASTАNA. Sinxua - Kazinform – Tesla Inc Америка автомобиль ишлаб чиқарувчи компанияси Шанхайда Megapack энергия сақлаш қурилмалари ишлаб чиқарадиган янги гигафабрика қуришини маълум қилди, дея хабар беради Kazinform Синьхуа агентлигига таяниб.
Шанхайда бўлиб ўтган лойиҳа ҳужжатларини имзолаш маросимида маълум қилинишича, янги завод қурилиши жорий йилнинг учинчи чорагида, ишлаб чиқариш эса 2024 йилнинг иккинчи чорагида бошланиши режалаштирилган. Дастлабки босқичда янги гигафабрика йилига 10 минг Megapack ишлаб чиқаради, умумий тўпланган энергия тахминан 40 ГВт/соатни ташкил этади. Ушбу заводда ишлаб чиқарилган маҳсулотлар бутун дунё бўйлаб сотилади.
Tesla сайтида таъкидланганидек, Megapack – бу қувватни сақлаш ва энергияни қўллаб-қувватлаш имконини берувчи кучли модулли батареялардир. Улардан фойдаланиш энергия тизимини барқарорлаштиришга ва электр узилишларининг олдини олишга ёрдам беради. Завод Шанхайнинг тажриба эркин савдо зонасининг Линьган ҳудудида қурилади.