Теннис бўйича Қозоғистон ўсмир қизлар терма жамоаси Ҳиндистонга қарши баҳс олиб боради

NUR-SULTAN. Кazinform - Ҳиндистоннинг Нью-Деҳли шаҳрида 14 ёшгача бўлган теннисчилар ўртасидаги жаҳон чемпионатига Осиё/Тинч океани минтақаси терма жамоалари саралаш турнирининг гуруҳ босқичи якунланди, дея хабар беради Кazinform мухбири.

Қозоғистон теннис федерацияси хабарига кўра, бугун «Д» гуруҳида қозоғистонлик қизлар Ўзбекистон терма жамоасини 2:0 ҳисобида мағлуб этишди.

Шу тариқа, ўз гуруҳидаги барча рақибларини мағлуб этган Қозоғистон ўсмир қизлар терма жамоаси чорак финалда биринчи ўринни эгаллади.

Қозоғистон эртага ярим финалда Ҳиндистон билан куч синашади. Мезбонлар билан ўйин осон бўлмаслиги аниқ.

Аввалроқ Юлия Путинцева Истанбулдаги турнирнинг иккинчи босқичига чиққани ҳақида хабар берилган эди.

Муаллиф: Елжан Ерали