Темирлан Муқатаев Жалоловни нокаутга учратиб, Осиё чемпионига айланди
ASTANA. KAZINFORM – Астана шаҳрида ёшлар ўртасидаги Осиё чемпионати финалида қозоғистонлик боксчи Темирлан Муқатаев ўзбекистонлик боксчи Самандар Жалолов билан жанг ўтказди. Бу ҳақда Sports.kz хабар берди.
22 ёшгача бўлган боксчилар ўртасида 86 килограмм вазн тоифасида ўтказилган турнирнинг финалида Муқатаев ва Жалолов тўқнаш келди. Кескин кечган жангда қозоғистонлик боксчи рақибини биринчи раундда бир марта, иккинчи раундда икки марта нокдаунга учратиб, техник нокаут билан ғалаба қозонди.
Шу тариқа, Темирлан Муқатаев 22 ёшгача бўлган боксчилар ўртасида Осиё чемпиони бўлган бўлса, Самандар Жалолов қитъа чемпионатини кумуш медаль билан якунлади.
Аввалроқ Астана шаҳрида бокс бўйича ёшлар ўртасидаги Осиё чемпионатида Қозоғистон терма жамоаси 11 та олтин медаль қўлга киритиб, умумжамоа ҳисобида биринчи ўринни эгаллагани ҳақида ёзган эдик.
