Техасда отишма юз берди, уч киши ҳалок бўлди

ОSTIN. Кazinform – Техас штатининг Форт-Уэрт шаҳрида содир бўлган отишма натижасида уч киши ҳалок бўлди, саккиз киши яраланди, дея хабар беради Kazinform Reuters агентлигига таяниб.

Сешанба куни полиция маълум қилишича, отишма 4 июль Мустақиллик кунини нишонлаш вақтида ярим тунда автотураргоҳда содир бўлган.

Жабрланганлардан бири воқеа жойида вафот этган. Икки киши касалхонада вафот этган, 8 киши касалхонага ётқизилган.

ABC News маълумотларига кўра, жабрланганлардан 10 нафари катталар, биттаси эса вояга етмаган.

Воқеа Комо Форт-Уэртда ҳар йили Мустақиллик куни муносабати билан ўтказиладиган ComoFest фестивали якунлангач, бир неча соатдан кейин содир бўлди.

Қанча одам ва нима учун отиб ташланганлиги ҳозирча номаълум. Ҳибсга олинганлар ҳақида маълумот берилмаган.