Техасда илон ва ўлжаси учун курашаётган қирғий аёлга ҳужум қилди

TEXAS. Kazinform – Техас штатида яшовчи Пегги Жонс устига илон тушиб, сўнг қирғий ҳужум қилиши оқибатида оғир жароҳат олди, деб хабар беради Kazinform ВВCга таяниб.

64 ёшли Пегги Жонс ўз майсазорини тозалаб юрганида, унинг устига учиб бораётган қирғий ўлжаси келиб тушган. Илон дарҳол унинг қўлига ўралиб, юзига ёпишиб олган. Яхшиямки, у кўзойнак билан ҳимояланган. У илонни улоқтирмоқчи бўлиб, қўлини силкитиб турганда унга қирғий ҳужум қилган.

Аёлнинг қўли ва юзи жароҳатланган.

Воқеа 25 июлда Техаснинг Луизиана чегараси яқинидаги Силсби шаҳрида юз берди.

Пегги Жонснинг сўзларига кўра, қирғий илоннинг орқасидан эргашган. Ўлжасини тутмоқчи бўлган йиртқич қуш бир неча бор қайтиб, аёлга ҳужум қилади.

Ниҳоят, у илонни олиб, учиб кетади.

Бу воқеадан кейин аёлнинг тунги уйқуси бузилган.