Тайвань қирғоқларида 6,5 ​​магнитудали 20 дан ортиқ ер силкинишлари қайд этилди

ASTANA. Kazinform - Тайваннинг шарқий қирғоқларида магнитудаси 3,4 дан 6,5 гача бўлган 20 дан ортиқ силкинишлар қайд этилган. Бу ҳақда орол марказий метеорология бошқармаси маълум қилди, дея хабар беради Kazinform агентлиги TASSга таяниб.

7,2 магнитудали зилзила чоршанба куни маҳаллий вақт билан 07:58 да (Астана вақти билан 04:58) юз берди ва бутун Тайванда сезилди.

Маҳаллий сейсмологларнинг маълумотларига кўра, зилзила эпицентри оролнинг шарқий қирғоқларида, Хуалянь шаҳридан 25 км жануби-шарқда жойлашган, манба 15,5 км чуқурликда бўлган.