Тайвань Хитой ҳудудининг ажралмас қисми ҳисобланишини маълум қиламиз - Ўзбекистон
Ўзбекистон Ташқи ишлар вазирлиги Тайванда бўлиб ўтган президентлик сайлови муносабати билан баёнот берди, деб хабар беради Kazinform.
Вазирлик таъкидлаганидек, Ўзбекистон томони Тайванда бўлиб ўтган сайлов ва умумий вазиятни диққат билан кузатиб бормоқда.
“Биз “ягона Хитой” тамойилини қўллаб-қувватлаймиз ва яна бир бор таъкидлаймизки, Хитой Халқ Республикаси ҳукумати Хитойнинг ягона қонуний ҳукумати, Тайвань эса Хитой ҳудудининг ажралмас қисмидир. Ўзбекистон икки қирғоқ ўртасидаги муносабатларни тинч йўл билан тартибга солиш ва ХХР ҳукуматининг Хитойни бирлаштиришни амалга ошириш бўйича барча саъй-ҳаракатларини қўллаб-қувватлайди”, — дейилади Ташқи ишлар вазирлиги баёнотида.
Эслатиб ўтамиз, аввалроқ Қозоғистон Ташқи ишлар вазирлиги Тайвандаги сайлов натижалари бўйича баёнот бериб, Қозоғистон “Ягона Хитой” тамойилини қўллаб-қувватлашини билдирган эди.
Бундан ташқари, Озарбайжон ҳам бу тамойилга қўшилди. Мамлакат Ташқи ишлар вазирлиги ўз баёнотида “ягона Хитой” сиёсатини қўллаб-қувватлашини маълум қилди.
Муаллиф: Алихан Асқар
