Tartyl Fest - гранд финал ғолиблари Финляндияга жаҳон чемпионатига боради
Аввал хабар берганимиздек, кеча Нур-Султан шаҳрида турнирнинг финал босқичи бўлиб ўтди. Танловда иштирок этиш учун 650 га яқин пойтахт аҳолиси рўйхатдан ўтган.
Айтим Жақиповнинг сўзларига кўра, Қозоғистонда кўча спорти – street workout жуда яхши даражада ривожланган.
«Мен жасорат билан ва очиқ айта оламанки, Қозоғистон - street workout йўналишини ривожлантириш бўйича илғор давлат. Қозоғистон - street workout йўналишини давлат даражасида қўллаб-қувватловчи ягона давлатдир», - деди Айтим Жақипов фестивал арафасида журналистларга.
Лойиҳа амбассадори ёшлар ва Street workout Kazakhstan ҳаракати номидан Президентга ёшлар ривожига қўшган ҳиссаси ва қўллаб-қувватлагани учун миннатдорчилик билдирди.
«Ёшлар – мамлакатимиз ва дунё келажаги. Биз жамоа билан 20 та шаҳарга ташриф буюрдик, 18 000 километрдан ортиқ масофани босиб ўтдик ва 12 000 дан ортиқ иштирокчини рўйхатга олдик. Гранд финал ғолиблари Финляндияда бўлиб ўтадиган жаҳон чемпионатида иштирок этишлари мумкин. Спортчи сифатида мен учун бугунги кунда ушбу спорт турига катта суръат ва қўллаб-қувватлаш борлиги жуда муҳим. Ўйлайманки, келгуси йилда фестивал иштирокчилари сони ва натижалари бутунлай бошқача бўлади. Чунки болалар тўлиқ тайёр бўлишади», - деди Айтим Жақипов.
Спикернинг сўзларига кўра, гранд финал октябр ойида Нур-Султанда бўлиб ўтади. Якуний сана кейинроқ эълон қилинади.
Биринчи ўрин учун 200 минг тенге миқдорида пул мукофоти топширилади, иккинчи ўрин учун 100 минг тенге, учинчи ўрин учун – 50 минг тенге.
Фестивал 10 июлдан 6 сентябргача Қозоғистоннинг 20 шаҳрида ташкил этилган бўлиб, ҳар бир шаҳарда 27 нафардан ғолиб аниқланди.
10 июл куни Қонаев шаҳрида турникка тортилиш фестивали бошланди.
Кейинчалик Туркистон, Талдиқорған, Алмати, Тараз, Чимкент, Ақтау, Қизилўрда, Атирау, Орал, Ақтўбе, Қостанай, Петропавл, Кўкшетау, Жезқазған, Қарағанди, Ўскемен, Семейда давом этди.
Муаллиф: Айжан Серикжанқизи
