Тарихий ғалаба: Ўзбекистон раҳбари паралимпиячиларни тақдирлади
Парижда ўтказилган Паралимпия ўйинларида ўзбекистонлик спортчилар 26 медаль қўлга киритиб, тарихий рекорд ўрнатди.
“Сиз, мард ўғил-қизларимиз юксак маррага эришиб, мусобақанинг ҳақиқий қаҳрамонларига айландингиз. Ўзбекистон терма жамоаси 10 олтин, 9 кумуш ва 7 бронза медалини қўлга киритди. Умумжамоа ҳисобида 13-ўрин, Осиёда 3-ўрин, Туркия, Ислом ва МДҲ давлатлари орасида 1-ўринни эгаллади. Спортчилар учун барча зарур шароитлар яратилган. Натижада бу йил илк бор Паралимпия ўйинларида 9 спорт тури бўйича 65 нафар спортчи мамлакатимиз шарафини ҳимоя қилди”, – деди президент.
Шавкат Мирзиёев бу йил Паралимпия ўйинларида Ўзбекистон Республикасидан илк бор велоспортчилар иштирок этганини таъкидлади.
“Маълумки, Ўзбекистон спорт тарихида ғалабалар кўп бўлган. Аммо Паралимпия ўйинларида бундай рекорд натижа ҳеч қачон бўлмаган. Бундай ёрқин ғалаба Ўзбекистон йилномасига олтин ҳарфлар билан ёзилади”, – деди Ўзбекистон раҳбари.
Бундан ташқари, аввалроқ Шавкат Мирзиёев Паралимпия ўйинлари ғолиб ва совриндорлари ҳамда уларнинг мураббийларини давлат мукофотлари билан тақдирлаш тўғрисидаги фармонни имзолаган эди.
