Танзанияда кўлга қулаган самолётда 19 нафар йўловчи ҳалок бўлди

ASTANA. Kazinform – Танзания йўловчи самолёти Букоба қирғоғига қўнаётганда Виктория кўлига қулаб тушди. Самолёт бортида 43 киши бўлган, улардан камида 19 нафари ҳалок бўлган, дея хабар беради Kazinform ВВС агентлигига таяниб.

Аввалроқ фавқулодда вазиятлар хизмати 26 кишини, жумладан 2 нафар учувчини қутқаргани хабар қилинганди.

Бироқ кейинроқ мамлакат бош вазири учувчилар олган жароҳатлари туфайли ҳалок бўлганини маълум қилди.

Precision Air авиакомпаниянинг ATR 42 йўловчи ўрта масофали самолёти Танзаниянинг энг йирик шаҳри Дар-эс-Саламдан Мванза орқали Букобага учаётган эди.

Воқеа гувоҳларидан бири Абдул Нури BBCга айтишича, у самолётнинг сувга қулаганини кўрган.

Нурининг сўзларига кўра, маҳаллий балиқчилар самолёт сувга қулаганидан кейин у ерда сузган ва стюард томонидан очилган орқа эшик орқали қутқарилган.

Ҳодисага ёмон об-ҳаво сабаб бўлган, бироқ воқеа содир бўлганидан кейин ёмғир тўхтаб, қутқарувчилар воқеа жойига етиб борган.

Воқеа содир бўлганидан кейин самолёт бутунлай сувга ботган ва фақат орқа қисми сувдан чиқиб қолган.

Эслатиб ўтамиз, аввалроқ Танзанияда йўловчи самолёти ҳалокатга учрагани ҳақида ёзган эдик.

Foto: www.bbc.com