Таиланд 1 майдан бошлаб кириш чекловларини енгиллаштириши мумкин

BANGKOK. Кazinform - Таиланд ҳукумати Тest & Cо мамлакатга кириш схемаси ва Тhailand Pass рўйхатга олиш тизимини бекор қилиш имкониятини кўриб чиқмоқда. Ўзгартиришлар 1 майдан кучга кириши мумкин, деб хабар беради Кazinform мухбири.

Туризм ва спорт вазири П. Ратчакитпраканнинг сўзларига кўра, вазирлик келгуси ҳафта ҳукуматга таклиф билан чиқади. Маъқулланса, 1 майдан сайёҳлар мамлакатга эмлаш сертификатини кўрсатгандан сўнг киришлари мумкин бўлади. Ҳужжатларни тасдиқлаш учун 3-5 кун кутишнинг ҳожати йўқ.

«Таиланд яна хорижлик сайёҳларни кутиб олишга тайёр, чунки соғлиқни сақлаш тизимимиз зарур жиҳозлар билан таъминланган», — дея вазирнинг сўзларини келтиради Bangkok Post.

Вазирликнинг ҳисоб-китобларига кўра, жорий йилда Таиландга камида 10 миллион сайёҳ келади.

1 апрелдан бошлаб Таиланд ҳукумати Тest & Cо схемаси бўйича ҳаво орқали мамлакатга кирувчи йўловчилар учун ПЗР тестларини талаб қилишдан воз кечди.

Таиландга 1 май куни етиб келганидан сўнг ўтказиладиган ПЗР тести CОVID-19 учун антиген тести билан алмаштирилиши кутилмоқда.

Муаллиф: Руслан Сулейменов