Таэквондочи Темиржан Тасқин ўсмирлар ўртасидаги жаҳон чемпионатининг бронза медали совриндори бўлди

ASTANA. Kazinform - Қозоғистон таэквондо терма жамоаси вакили Темиржан Тасқин Чунчхонда (Жанубий Корея) ўтказилаётган ўсмирлар ўртасидаги жаҳон чемпионатида бронза медалини қўлга киритди, дея хабар беради Kazinform агентлиги ҚР Миллий олимпия қўмитасига таяниб.

Спортчи 48 килограммгача бўлган вазн тоифасида шоҳсупанинг учинчи поғонасига кўтарилди.

Эронлик Меҳди Размиян турнирнинг олтин медалини қўлга киритди. Иккинчи ўрин эса Хаиро Тригосга (Испания) насиб этди. Яна бир бронза медалига ўзбекистонлик Беҳруз Салимов эга бўлди.

Қозоғистон терма жамоаси ҳисобида учта медаль бор. Аввал таэквондочилар Нурай Қазнабек  (59 кг гача) ва Нурали Маҳмут (55 кг гача) кумуш медални қўлга киритган эди.