Сув тошқинларидан жабрланганлар учун ногиронлик муддати автоматик равишда узайтирилади
ASTANА. Кazinform – ҚР Меҳнат ва аҳолини ижтимоий ҳимоя қилиш вазирлиги расмий вакили Мадияр Уақпаевнинг маълум қилишича, фавқулодда ҳолат эълон қилинган туман ва шаҳарлардаги махсус ижтимоий ёрдам олувчиларнинг ижтимоий мақоми автоматик равишда узайтирилади.
“Фавқулодда ҳолат жорий йилнинг иккинчи чорагида эълон қилинган туман ва шаҳарлардаги белгиланган ижтимоий ёрдам олувчиларга давлат идораларига мурожаат қилмасдан автоматик тарзда узайтирилади. Биринчи марта ёрдам сўраб мурожаат этаётган фуқаролар электрон ҳукумат портали орқали мурожаат қилишлари мумкин. Фавқулодда ҳолат эълон қилинган вилоят ва шаҳарларда яшовчи ногиронлиги бўлган фуқаролар учун 2024 йилнинг II чорагида қайта аттестациядан ўтказилиши лозим бўлган қуйидаги хизматлар фавқулодда ҳолат тугагунга қадар автоматик равишда узайтирилади: ногиронлик муддати, умумий меҳнатга лаёқатсизлик даражаси, касбий меҳнатга лаёқатсизлик даражаси ва реабилитациянинг индивидуал дастурлари. Шу билан бирга, фавқулодда ҳолат режими тугаган ой ҳам тўлиқ ҳисобга олинади. Давлат нафақаларини тўлаш аввал белгиланган ногиронлик гуруҳига кўра амалга оширилади”, — деди расмий вакил.
Мадияр Уақпаевнинг айтишича, мазкур чора-тадбирлар ижтимоий ёрдам олувчи оилалар ва имконияти чекланган фуқароларга давлат томонидан ўз вақтида ёрдам кўрсатиш имконини беради.
“Ногиронлиги бўлган фуқаролар сув тошқинлари пайтида техник жиҳозлар етишмаса ёки шикастланганда биринчи навбатда санаторий-курортда даволанади”, - деди у.
