Сув тошқинлари: қутқарилганлар сони 117 617 кишига етди

ASTANА. Кazinform – Қозоғистон Республикаси Фавқулодда вазиятлар вазирлигининг соат 00:00 даги маълумотларига кўра, республикада сув тошқинлари пайтида қутқарилганлар сони 117 617 нафарга етди.

"Фуқаро муҳофазаси хизматлари томонидан 117 617 киши, жумладан 43 887 нафар болалар қутқарилди. 113 852 бош қишлоқ хўжалиги ҳайвонлари хавфсиз жойга кўчирилди. 18 651 нафар фуқаро ўз уйига қайтди.

Эвакуация пунктларида 6932 киши, жумладан, 3143 нафар болалар бор”, — дейилади хабарда.

Ҳозиргача 10 миллион куб метр эриган қор суви чиқарилиб, 3,1 миллиондан ортиқ қоп ва 1,4 миллион тонна инерт материал ётқизилди. 4134 та турар жой ва 2698 та ҳовлилардан сув чиқарилди.

Жабрланган ҳудудларга 4211 тонна инсонпарварлик ёрдами етказилди.