Сув тошқинларидан жабрланганлар кузгача уй-жой билан таъминланиши керак - ҚР Бош вазирининг ўринбосари

ASTANA. Kazinform - Бош вазир ўринбосари Қанат Бозимбаев сув тошқинларидан кейин юзага келган фавқулодда вазиятларда ҳаракат қилиш муаммоларига бағишланган йиғилиш ўтказди. Учта асосий масала: тезкор чоралар кўриш учун штаб ваколатларини кенгайтириш, табиий офатлар юз берганда техникаларни етказиш ва мулкни суғурталаш масалалари муҳокама қилинди, деб хабар беради Кazinform.

Бозимбаев
Фото: ҚР Ҳукумати

Қанат Бозимбаев аҳоли ва бизнесга етказилган зарарни қоплаш билан боғлиқ муаммоларни қайд этиб, вазирликларга товон тўлаш тартибини қайта кўриб чиқишни топширди. Кичик ва ўрта бизнес субъектларидан 3,4 миллиард тенгега 291 та ариза тушган бўлса-да, маблағ ариза берувчиларнинг учдан бир қисмига етган, холос. Бош вазир ўринбосари Миллий тадбиркорлар палатасининг мулоҳазаларини инобатга олган ҳолда тўлов методологиясини якунлаш бўйича топшириқ берди.

Фавқулодда вазиятларда тезкор чора кўриш ва процедураларни соддалаштириш зарурлигини таъкидлади. Сув тошқинлари пайтида техника етишмаслиги билан боғлиқ муаммолар юзага келди ва автопарклар ҳисобини йўлга қўйиш керак.

Транспорт вазирлигига техникаларни етказиш, жумладан, хусусий ташкилотларни жалб этган ҳолда етказиш алгоритмини якунлаш ва харажатларни қоплаш механизмини таъминлаш топширилди. Шунингдек, мол-мулкни суғурталаш ва ҳалокатли облигациялар(катастрофический облигация) чиқариш масалалари ҳам кўриб чиқилди. Бош вазир ўринбосари мулкни суғурталаш ва ҳалокатли облигациялар чиқариш бўйича ҳисоб-китобларни амалга ошириш бўйича топшириқ берди.

- Бу йилги сув тошқинлари натижалари бўйича хулоса чиқариш ва кейинги йилги сув тошқинлари даврига тайёргарликни бошлаш учун бугун махсус йиғилдик. Энди биз уй-жойларни тиклаш ва етказилган зарарни ўз вақтида қоплаш бўйича барча ишларни якунлашимиз керак. Энг муҳими, жабрланганлар кузгача уй-жой билан таъминланиши керак. Баҳорга ҳали узоқ йўл бор. Аммо сув тошқинлари даври учун барча тайёргарлик ишлари кузда бажарилиши керак. Сел хатоларни, тугалланмаган ишларни ва кам маблағни кечирмайди, — деди Бош вазир ўринбосари.

Вазирликларга навбатдаги сув тошқинлари даврига тайёргарлик кўриш, уй-жойларни тиклаш ва етказилган зарарни қоплашни якунлаш бўйича топшириқ берилди. Ҳокимликлар сув тошқинларининг олдини олиш ва гидротехника иншоотларини текшириш чораларини кўриши лозим. Молия вазирлиги ҳар бир ҳудудда доимий фавқулодда захира ташкил этиши керак.

Сўнгги хабарлар