Сув тошқинидан жабрланганларга 7,5 миллиард тенге берилди – Қанат Бозимбаев

ASTANA. Kazinform – Бугун Ҳукумат йиғилишида ҚР Бош вазири ўринбосари Қанат Бозимбаев сув тошқинидан жабрланганларга тўланадиган товон пули миқдорини маълум қилди.

“Бугунги кунда 20 минг 600 оилага 100 ойлик ҳисоб-китоб кўрсаткичи миқдорида бир марталик тўлов берилди. Тўланган маблағларнинг умумий миқдори 7,5 млрд тенге. 680 оилага етказилган моддий зарар учун 362 миллион тенге миқдорида товон пули тўланди”, – деди Қанат Бозимбаев.

Бош вазир ўринбосари маълумотларига кўра, ҳозиргача 568 оилага уй-жойларни таъмирлаш ва тиклаш учун 710 миллион тенге миқдорида товон пули берилган.

“Ҳудудларда етказилган зарарни аниқлаш ва қоплаш ишлари давом этмоқда. Вазият доимий назорат остида”, – деди у.