Сув полоси бўйича жаҳон чемпионатида Қозоғистон Бразилияни мағлуб этди

NUR-SULTAN. Kazinform – Қозоғистон аёллар терма жамоаси сув полоси бўйича жаҳон чемпионатида Бразилияни мағлуб этди, дея хабар беради Kazinform мухбири.

Турнир Венгрия пойтахти Будапешт шаҳрида сув спорти бўйича жаҳон чемпионати доирасида ўтказилмоқда.

Қозоғистон аёллар терма жамоаси D гуруҳида Австралия, Янги Зеландия ва Бразилия терма жамоалари билан куч синашмоқда.

Бугунги баҳсда қозоғистонлик спортчилар ихчам ҳаракат қилишди. Натижада рақибини 10:6 ҳисобида мағлуб этди. Ушбу гуруҳда Австралия Янги Зеландияни 11:2 ҳисобида мағлуб этди.

Дастлабки ўйинда қозоғистонлик қизлар Австралияга 6:19 ҳисобида имкониятни бой беришди. Энди улар 24 июн куни Янги Зеландияга қарши баҳс олиб боради.

Шунингдек, Австралия, Сербия ва АҚШ эркаклар терма жамоаси жаҳон чемпионатида D гуруҳида иштирок этмоқда.

Йигитлар биринчи учрашувда Австралияга 4:10 ҳисобида имкониятни бой беришди. Энди терма жамоа 23 июн куни АҚШ, 25 июн куни эса Сербия билан учрашади.

Муаллиф: Адилжан Умбет