Сурдлимпиадага Қозоғистондан 26 нафар спортчи боради
ALMATY. Кazinform — ХХ қишки Сурдлимпиада ўйинларида иштирок этувчи терма жамоа 29 февраль куни Туркияга жўнаб кетади. Спортчилар тоғ чанғиси, сноуборд, чанғи, шахмат, футзал, кёрлинг бўйича баҳслашади.
2-12 март кунлари Туркиянинг Эрзурум шаҳрида ХХ қишки Сурдлимпиада ўйинлари бўлиб ўтади.
Жуфтликлар баҳсида 36 давлатдан 1000 нафарга яқин спортчи иштирок этади.
Мусобақада тоғ чанғиси, сноуборд, чанғи, шахмат, футзал ва кёрлинг каби спорт турлари бўйича 34 та медаллар жамланмаси ўйналади.
Қозоғистон томонидан ушбу қишки ўйинларда шахмат, сноуборд ва чанғи спорти бўйича 26 нафар спортчи иштирок этади.
Жисмоний имконияти чекланган шахслар учун спорт машғулотлари маркази директори вазифасини бажарувчи Ержан Есимханули қозоғистонлик спортчиларга муваффақиятлар тилади.
– Кўк байроғимиз ҳилпиратиб, халқаро мусобақада қатнашиш ҳар бир спортчи учун ноёб имкониятдир. Ушбу дақиқага эришиш учун сизлар кўп меҳнат қилдингиз ва кўплаб марраларга эришдингиз. Мусобақага пухта тайёргарлик кўриш мақсадида 6 та республика мусобақалари ва 9 та ўқув-машғулот йиғинида иштирок этдингиз. Кейинги мусобақада яхши чиқиш ва имкон қадар ўз маҳоратингизни кўрсатиш ўзларингизга боғлиқ. Биз сизларга ишонамиз, - деди Ержан Есимханули.
