Сўнгги тўрт йил Ер тарихидаги энг иссиқ давр бўлди

ASTANA. Kazinform – Жаҳон метеорология ташкилоти 2026 йилдаги глобал иқлим ҳолати бўйича янгиланган маълумотларни эълон қилди.

Сўнгги тўрт йил Ер тарихидаги энг иссиқ давр бўлди
Фото: Kazinform/СИ

Жаҳон метеорология ташкилотининг 2026 йилдаги иқлим ҳолати тўғрисидаги янгиланган ҳисоботига кўра, сўнгги 12 йилнинг барчаси метеорологик кузатувлар тарихидаги энг иссиқ 12 йил қаторига кирди.

Шулардан сўнгги тўрт йил ҳарорат кўрсаткичи бўйича биринчи тўртта ўринни эгаллади.

2026 йилнинг январь-сентябрь ойларида Ер юзасидаги ҳавонинг ўртача глобал ҳарорати саноатлашувгача бўлган давр кўрсаткичидан тахминан 1,47 даража Цельсийга юқори бўлди.

Шу билан бирга, Ернинг энергетик мувозанатсизлиги ортиб бормоқда. Сайёра аввалгига нисбатан иссиқликни янада тезроқ тўпламоқда. Бунинг асосий сабаби иссиқхона газлари концентрациясининг рекорд даражага етганидир. Ушбу газлар Қуёшдан келадиган энергия ва Ердан тарқаладиган иссиқлик ўртасидаги мувозанатни бузади.

Ортиқча иссиқликнинг тахминан 90 фоизини Жаҳон океани ўзлаштиради.

Мавжуд маълумотларга кўра, 2026 йил океандаги иссиқлик миқдори рекорд даражага етган ўнинчи йил бўлиши мумкин.

Бундай шароитда иқлимни мунтазам кузатиб бориш ва олдиндан прогноз қилиш жамият ҳамда иқтисодиётга таҳдид солиши мумкин бўлган хавф-хатарларни ўз вақтида аниқлаш имконини беради.