Суд Жанубий Корея президентининг қайнонасига қамоқ муддатини тасдиқлади

Пайшанба куни Олий суд президент Юн Сек Ёлнинг қайнонаси ер участкасини сотиб олишда фойдаланилган банк ҳужжатини қалбакилаштириш иши бўйича бир йиллик қамоқ жазосини тасдиқлади, деб хабар беради Кazinform агентлиги Yonhapга таяниб.

Биринчи хоним Ким Конг Хининг 76 ёшли онаси Чхве Ин Сун 2013 йилда Сеул жанубидаги Соннам шаҳридан кўчмас мулк сотиб олиш учун банк баланси тўғрисидаги сохта ҳисоботдан фойдаланганликда айбланган.

Сохта ҳужжатда унинг ўша йилнинг апрелидан октябригача ҳисобига 34,9 миллиард вон (26,7 миллион доллар) киритганлиги кўрсатилган.

2021 йил декабрь ойида туман суди Чхве Ин Сунни қалбакилаштиришда айблаб, бир йиллик қамоқ жазосига ҳукм қилди. Бироқ апелляция суди шу йилнинг июль ойида қамоқ жазосини тасдиқлаганидан кейин уни ҳибсга олишга қарор қилди.

Чхве ҳукмни эшитиб, ўзининг айбсизлигини айтиб, кескин норозилик билдирди.