«Спутник V» асосида «яширин-омикрон»дан ҳимоя қилувчи дори воситаси ихтиро қилинди

NUR-SULTAN. Кazinform - Н.И. Гамалея маркази «Спутник V» га асосланиб, яширин омикрондан ҳимоя қилувчи дори воситасини ихтиро қилди, дея хабар беради Кazinform Қарағанди фармацевтика мажмуасининг Тelegram-каналига таяниб.

Гамалея эпидемиология ва микробиология тадқиқот маркази директори Александр Гинцбург SARS-Cоv-2 нинг ушбу модификациясига қарши «антитанача коктейли» самарадорлигини эълон қилди.

Моноклонал антитаначаларга асосланган коронавирус дори воситаси яширин омикронга қарши жуда самарали бўлади. Биз дори воситасини синаб кўрдик, у BА.2 вариантига қарши қандай ишлайди. У яхши ишлайди, чунки S оқсилининг тузилишига жуда чуқур кириб бора оладиган антитаначаларни ўз ичига олади.

Аввалроқ Гинцбург «Спутник V» вакцинасининг Омикрон штамми сабаб бўлган CОVID-19 нинг оғир ҳолатларига қарши самарадорлиги, сўнгги маълумотларга кўра, тахминан 89 фоизни ташкил этишини маълум қилганди.

Яширин Омикрон штамми биринчи марта 2022 йил январ ойида Швецияда аниқланган. «Известия» нашрининг ёзишича, чарчоқ, бош айланиши ва ҳиднинг йўқолиши Омикрон варианти, BА.2 коронавирус штамми, шунингдек, яширин Омиcрон номи билан ҳам танилган инфекциянинг асосий белгиларидир.

Бу ҳақда Роспотребнадзор марказий эпидемиология илмий-тадқиқот институтининг генетик инженерия ва биотехнологиялар илмий гуруҳи раҳбари Анна Черкашина маълум қилди.