Спорт вазири: Биз Париж Олимпиадасига 80-85 та йўлланма билан бормоқчимиз

Ермек Маржикпаев
Фото: Адлет Беремкулов/ Kazinform

ASTANA. Kazinform - Парламент палаталарининг қўшма мажлисида Туризм ва спорт вазири Ермек Маржиқпаев Қозоғистон спортчилари оғир атлетика бўйича Париждаги Олимпиада ўйинларига битта ҳам йўлланма олмаганини маълум қилди.

“Олимпиада - энг муҳим мусобақадир. Париждаги мусобақада 205 мамлакатдан 32 та спорт тури бўйича 10 500 нафар спортчи иштирок этади. Бугунги кунда спортнинг 22 та тури бўйича 78 та лицензиямиз бор. Афсуски, бу йил аёллар кураши ва оғир атлетика бўйича лицензия ололмадик», - деди у.

Вазир энг кўп йўлланма олган ҳудудларни ҳам айтиб ўтди.

“Ҳудудларга келсак, Алмати шаҳримиз энг катта ҳисса қўшди – 16 та йўлланма. Чимкентдан 12 та, Астанадан 9 та, Шарқий Қозоғистон, Туркистон, Жетису вилоятларидан 5 та йўлланма бор. Ҳали ҳам 4 та рейтингли лицензия турнирлари мавжуд. Умид қиламизки, жами 80-85 та йўлланма олиб, Париж Олимпиадасига йўл оламиз”, - деди Ермек Маржиқпаев.

Муаллиф: Есимжан Нақтибай

Сўнгги хабарлар
telegram