Словения Венгрия ва Хорватия билан чегараларида назорат жорий қилди
Словения Венгрия ва Хорватия билан чегараларида назорат жорий қилди. Чекловлар ўн кун давом этади, дея хабар беради Кazinform агентлиги Euronewsга таяниб
Словения ҳукумати Яқин Шарқдаги кескинлик ортиб бораётгани сабабли Хорватия ва Венгрия билан чегараларида назорат жорий қилди. Расмий сабаб "терроризм ва уюшган жиноятчиликка қарши кураш". Чекловлар 31 октябргача давом этади.
Аввалроқ Италия ва Австрия Словения билан чегарада назорат ўрнатган эди.
“Ушбу назорат-ўтказиш пунктларида чегара назорати мақсадли амалга оширилмоқда, яъни жамоат тартибига хавф туғдирувчи, террорчилик ҳаракатларини содир этишга қодир бўлган ва Словения Республикасига таҳдид соладиган шахсларни аниқлашга қаратилган”, — деди Словения полицияси вакиль Вильем Тошкан.
Словенияга киришда назорат ўрнатилганлиги сабабли, автомобиллар навбатлари пайдо бўлди, уларда тахминан бир соат вақт сарфлаш мумкин. Бироқ, полиция кутиш жуда узоқ давом этмаслигини ваъда қилмоқда, чунки ҳамма машиналар ҳам текширилмайди.
