“Славян бозори”: Роза Римбаева - ҳакамлар ҳайъати раиси
ASTANА. Кazinform - Қозоғистон халқ артисти Роза Римбаева Беларуснинг Витебск шаҳрида бўлиб ўтадиган XXXIII халқаро санъат фестивалида номзодлар иқтидорини баҳолайди.
Бу ҳақда хонанда Instagramдаги саҳифасида ўртоқлашди ва унга жуда масъулиятли иш ишониб топширилганини таъкидлади.
“Азиз ватандошлар! Биз Беларусиядамиз. Биз «Лучеса» меҳмонхонасида тўхтадик. Витебскда ўтказиладиган "Славян бозори" кенг кўламли фестивалини кутмоқдамиз. Бу йил мен ҳакамлар ҳайъати раисиман. Бу жуда муҳим ва ўта масъулиятли иш”, — деди Роза Римбаева.
Эслатиб ўтамиз, Роза Римбаева ҳакамлар ҳайъатининг доимий аъзоларидан бири ҳисобланади. 2018 йилда Беларусь президенти Александр Лукашенко фестивалнинг очилиш маросимида Роза Римбаевага “Санъат орқали – тинчлик ва ўзаро тушуниш” махсус мукофотини топширган эди. Шунингдек, Витебскдаги “Юлдузлар майдони”да қозоқ хонандасининг юлдузи ўрнатилди.
Бу йил “Славян бозори”нинг очилиш маросимидаги нутқида Лукашенко ШҲТга аъзо давлатлар жамоалари иштирок этишини алоҳида таъкидлади. Эслатиб ўтамиз, бу гал 42 давлатдан келган санъаткорлар соврин учун кураш олиб боради.
