SIM-карталарни сотиб олаётганда биометрик идентификация амалга оширилади

ASTANA. Kazinform — Қозоғистонда SIM-карталарни харид қилишда биометрик идентификация тизими жорий этилади.

Бу ҳақда Ҳукумат йиғилишида ҚР Рақамли ривожланиш, инновациялар ва аэрокосмик саноат вазири Жаслан Мадиев маълум қилди.

“Янги SIM-карталарни харид қилишда биометрик идентификация жорий этилади. SIM-карталарни учинчи шахсларга ноқонуний ўтказиш ва SIM-карталардан ноқонуний фойдаланиш ҳолатлари учун жавобгарлик кучайтирилмоқда”, - деди вазир Ҳукумат раҳбарининг саволига жавоб берар экан.

Маърузачи, шунингдек, фирибгарлик тўғрисидаги қонун кучайтирилаётганини таъкидлади.

“Шахсий маълумотларни ҳимоя қилиш талабларини бузишга доир қонунчилик талаблари кучайтирилмоқда. Фирибгарлар фаолиятини чеклаш бўйича қатор меъёрий ҳужжатлар таклиф этилди. Бу Парламент аъзоларининг муҳокамасида. Бу борадаги ишлар давом этади”, - деди у.

Бунгача Қозоғистонда бир қўлга бериладиган SIM-карталар сонини чекловчи қонун ишлаб чиқилаётгани маълум қилган эдик.