Silk Way телеканали янги ахборот дастурини эфирга узатади
Бугун инглиз тилида эфирга узатиладиган янги ахборот-таҳлилий дастури телеканалнинг халқаро томошабинларини Қозоғистон ва Марказий Осиё янгиликларидан хабардор қилади, деб хабар беради Кazinform.
New Time – дастур номи тасодифан берилмаган, инглиз тилидаги бу сўз “Jibek joly” телеканалида мавжуд ва ҳозирда кўрсатилаётган “Жаңа уақыт” ва “Новое время” ахборот-таҳлилий дастурлари таржимасидир.
Silk Way телеканалида New Time ҳафтада бир марта, жума кунлари эфирга узатилиб, томошабинларни дунё ва Қозоғистонда сиёсат, иқтисодиёт, маданият ва спорт соҳаларида рўй бераётган муҳим воқеалар билан таништириб боради.
Посмотреть эту публикацию в Instagram
Бундан ташқари, дастурда етакчи қозоқ ва халқаро экспертларнинг таҳлиллари кичик форматда намойиш этилади.
Дастурнинг мақсади халқаро ахборот маконида ўз ўрнини топиш ва кундан-кунга дунё аҳлининг эътибори ва қизиқишини ўзига тортаётган Марказий Осиё минтақасидаги воқеаларга хорижий аудиториянинг талабини қондиришдан иборат.
Silk Way телеканалининг New Time кўрсатувини ушбу телеканал эфирга узатиладиган 118 давлатдаги томошабинлар томоша қилишлари мумкин.
Қозоғистонликлар дастурни телеканал сайти ва ижтимоий тармоқларда жонли эфирда томоша қилишади.
Silk Way — Қозоғистон Республикасининг биринчи миллий сунъий йўлдош телеканали бўлиб, у дунёнинг 118 та давлатида 5 тилда эфирга узатилади.
Канал контенти 100% маҳаллий маҳсулотдан иборат.
