«Silk Way» телеканали турк тилида кўрсатувлар олиб боради

ASTANA. Kazinform – 2024 йил 1 майдан «Silk Way» телеканали турк тилида эфирга узата бошлайди.

«Silk Way» – мамлакатнинг энг йирик медиахолдинги – ҚР Президенти телерадиокомплекси таркибига кирувчи биринчи миллий сунъий йўлдош телеканали.

Телеканалнинг хорижлик томошабинлар учун мўлжалланган маҳсулотлари ахборот ва эксперт дастури, санъат, маданият ва туризмга оид ҳужжатли фильмлар ва маърифий лойиҳалардан иборат.

«Jibek Joly/Silk Way» телеканали бошқарувчи директори Еркежан Кунтуғаннинг сўзларига кўра, турк тилида эфирга узатилиши - ўз маҳсулотларини қозоқ, рус, инглиз, ўзбек ва қирғиз тилларида тайёрлайдиган телеканал аудиториясини кенгайтиради.

Телеканалнинг эфир режаси мунтазам равишда сифатли ва талаб юқори бўлган контент билан тўлдириб борилади. Масалан, жорий йил январь ойида инглиз тилида «Reporter With President» кўрсатуви нашр этилди. Унда Давлат раҳбарининг олий даражадаги учрашувлари ва музокараларидан эксклюзив лавҳалар намойиш этилди.

Бундан ташқари, бу йил «Орел и Решка. Казахи» маҳшур тревел-шоусининг янги мавсуми бошланди. У телеканал эфирга узатиладиган барча тилларда эфирга узатилади.

Телеканалнинг расмий сайти: www.silkwaytv.kz