Сибирдаги 750 дан ортиқ аҳоли пунктлари сув остида қолиши мумкин
Бу ҳақда Россия Федерацияси Президентининг Сибир федерал округидаги ваколатли вакили Анатолий Серишев Сибир федерал округида сув тошқини ва ёнғинларга тайёргарлик кўриш бўйича йиғилишда маълум қилди.
«Баҳор яқинлашмоқда, бу вақтда Сибирда об-ҳаво ўзгарувчан бўлади, барчамиз вазиятнинг кескин ўзгаришига тайёр бўлишимиз керак.
Фавқулодда вазиятлар вазирлиги маълумотларига кўра, агар вазият ёмонлашса, 190 мингга яқин аҳоли истиқомат қиладиган 750 дан ортиқ аҳоли пункти, 400 км дан ортиқ йўл ва 200 га яқин ижтимоий объектлар сув остида қолади», - деди у.
Вакил мутасаддиларга Россия Фавқулодда вазиятлар вазирлиги ва бошқа идоралар билан биргаликда хавф ва юзага келиши мумкин бўлган оқибатларни камайтириш бўйича тегишли чоралар кўриш бўйича топшириқ берди.
