Швейцарияда бурқа ва ниқоб кийиш тақиқланди
ASTANA. Kazinform – 2025 йил 1 январдан Швейцария ҳукумати жамоат жойларида юзни тўлиқ ёпиб турувчи кийим, бурқа ва ниқоб кийишни тақиқлади, деб хабар беради ТАСС ахборот агентлиги.
Агар бу талаб бажарилмаса, 100 дан 1000 швейцария франкигача (110,2 доллардан 1102 долларгача) жарима солинади.
Швейцария аҳолиси 2021 йил март ойида бўлиб ўтган референдумда тегишли ташаббусга овоз берди. Ўшанда респондентларнинг 51,2 фоизи тақиқни қўллаб-қувватлаган. Илгари, бу чеклов фақат Санкт-Галлен ва Тичино кантонларида минтақавий миқёсда қўлланилган.
Тақиқ мусулмонлар киядиган ниқоб ва бурқа каби кийим-кечакларга, шунингдек, футбол мухлислари киядиган кийимларга тааллуқлидир. Энди уларни дўконлар, ресторанлар, жамоат муассасалари ва жамоат транспортида кийиш тақиқланади. Бироқ, юз қопламаларини ибодат жойларида, карнавалларда ёки совуқдан ҳимоя қилиш учун ҳали ҳам кийиш мумкин.
Швейцария президенти Карин Келлер-Зуттернинг сўзларига кўра, бу тақиқ Швейцарияда яшовчи 400 минг мусулмоннинг фақат кичик бир қисмига тегишли. Сиёсатчи таъкидлаганидек, улар орасида ниқоб таққан 20-30 нафарга яқин аёллар бор.
Тақиқ жорий этилиши билан Швейцария шу каби қоидаларга эга бўлган Европа давлатлари рўйхатига қўшилди. Улар орасида Австрия, Бельгия, Болгария, Дания ва Нидерландия бор. Франция 2011 йилда биринчи бўлиб юзни ёпишни тақиқлаган.
