Швейцария ва Италия музликларнинг эриши туфайли чегараларини ўзгартиради
ASTANA. Kazinform - Икки давлат ўртасидаги чегара асосан музлик тизмалари ёки эримаган қор ҳудудлари билан белгиланади, бироқ сўнгги йилларда музликлар ҳажмининг кескин камайиши бу табиий чегараларнинг силжишига сабаб бўлди. Киритилган ўзгаришлар содир бўлган ҳақиқий географик ўзгаришларни акс эттиради, деб хабар беради Kazinform BBCга таяниб.
Ўзгаришлар таъсири остидаги ҳудуднинг бир қисми Европадаги энг баланд чўққилардан бири ва машҳур тоғ-чанғи курорти Маттерхорн ёнбағирлари бўйлаб ўтади.
Чегарани ўзгартириш лойиҳаси 2023 йил май ойида Швейцария-Италия қўшма гуруҳи томонидан тайёрланган. Швейцария келишувни маъқуллади, Италия ҳали имзоламади.
Швейцария жума куни чегарани қайта кўриб чиқиш ҳар икки давлатнинг иқтисодий манфаатларига мос келишини айтди, чунки бу уларнинг қайси бири ҳар қандай табиий ҳудудни сақлаш учун жавобгар эканлиги тўғрисида келишиб олишга ёрдам беради.
2023 йилда Швейцария музликлари ҳажмининг 4 фоизини, 2022 йилда эса 6 фоизини йўқотди. Бу ёзнинг иссиқлиги ва қишда қорнинг етишмаслиги билан боғлиқ. Олимларнинг огоҳлантиришича, кейинги исиш музликларнинг эришини тезлаштиради.
Яна шуниси эътиборлики, эриётган музликларда топилмалар топилди: Булар 1986 йилда ғойиб бўлган альпинистнинг қолдиқлари ва 1968 йилда ҳалокатга учраган самолёт қолдиқларидир.
