Швейцарияда боғчага бораётган болаларга нотаниш шахс пичоқ билан ҳужум қилди

ASTANA. Kazinform - Швейцариянинг Цюрих шаҳрида номаълум шахснинг болалар боғчасига кетаётган болаларга ҳужуми оқибатида уч нафар беш ёшли бола жабрланди. Бу ҳақда Швейцария полицияси маълум қилди, деб ёзади euronews.

Болалар жароҳатлар билан шифохонага етказилган.

Полиция маълумотларига кўра, болалардан бирининг аҳволи оғир. Ушбу ҳодиса юзасидан 23 ёшли Хитой фуқароси ҳибсга олинган. Унинг нима учун бундай қилгани номаълум. Воқеа сешанба куни тушдан кейин шаҳарнинг Оерликон туманида юз берган.

Болаларни боғча хизматкори олиб кетаётган эди. Бошқа одам ёрдамида у ҳужумчини ушлаб олди ва полиция келгунига қадар қўйиб юбормади.

Эслатиб ўтамиз, аввалроқ Бангкокда мактаб автобуси ёниб кетгани ва одамлар ҳалок бўлгани ҳақида ёзган эдик.