Швейцарияда йўловчи поездда бир жамадон қуйма олтинни унутиб қолдирган

BERN. CNN - Kazinform– Швейцария полицияси поездда қуйма олтин тўла сумкани қолдириб кетган одамни қидирмоқда. Олтинларнинг умумий қиймати 182 минг Швейцария франки (191 000 АҚШ доллари)ни ташкил қилади, деб хабар беради Kazinform CNNга асосланиб.

Ноёб топилма Швейцария федерал темир йўли поездининг вагонларидан бирида ўтган йил октябрь ойида топилган. Поезд Швейцариянинг шимоли-шарқидаги Санкт-Галлен шаҳридан Люцерн шаҳрига бораётган бўлган.

Ички текширувлар натижа бермагач, амалдорлар қидирилаётган одам ҳақида маҳаллий ҳукумат газетасига хабар беришга қарор қилишди. Эълонда айтилишича, эгаси унутган хазиналарини талаб қилиши учун беш йил муддат бор.

Ҳозирча олтин хазина эгасини қидириш натижа бермаяпти.

Муаллиф: Раушан Қонирбаева