Швейцария энг узун йўловчи поезди бўйича рекорд ўрнатди
Узунлиги 2 км бўлган поезд Ретий темир йўлининг диққатга сазовор жойларини, хусусан, Предадан Бергенгача бўлган Альбул/Бернин йўналишини қамраб олди.
25 вагонни бирлаштириб, Ретий темир йўли раҳбарлари 175 йиллигини нишонлашга, жаҳон рекордини ўрнатишга, маҳаллий аҳоли ва чет эллик сайёҳларнинг эътиборини тортишга қарор қилишди. Тажриба муваффақиятли ўтди. Унинг асосий шарти поездни бошқарган 6 машинист бир хил ҳаракатларни бажариши керак эди.
«Пандемиянинг 2 йилида биз айланмамизнинг 30 фоизини йўқотдик. Шунинг учун биз ЮНЕСКОнинг Бутунжаҳон мероси рўйхатига киритилган ажойиб маршрутимиз ҳақида одамларга хабардор қилишнинг ақлли йўлини изладик»,- дейди Ретий темир йўл бош директори Ренато Фашиати.
Поезднинг узунлиги йўналишдаги энг узун тўмтоқ туннелдан (Ландвассер, 680 метр) 3 баравар узун эди. Вагонлар ушбу туннел орқали ўтганда томошабинлар жуда ҳайратда эди.
Эслатиб ўтамиз, 2008 йилда ЮНЕСКОнинг Бутунжаҳон мероси рўйхатига киритилган Ретий темир йўли бўйлаб 22 та туннель ва 48 та кўприк мавжуд. Саёҳат 1 соатдан кўпроқ вақтни олади.
