Швецияда янги бош вазир сайланди

ASTANA. Kazinform - Улоф Кристерссон Швециянинг янги бош вазири бўлди. Парламентда бўлиб ўтган сайловда бор-йўғи 3 та овоз устунлиги билан Мўтадил коалиция партияси етакчиси номзоди маъқулланди. Сешанба куни у ўз кабинети вазирларини таништириши кутилмоқда, дея хабар беради Kazinform Euronews телеканалига таяниб.

Сентябр ойида бўлиб ўтган сайловларда ўнг қанот қийинчилик билан ғалаба қозонди. Натижада, Швеция демократларини ҳам ўз ичига олган ҳукмрон коалицияни яратиш мумкин бўлди - бу партия ўнг қанот радикал ва миллатчи деган ном қозонган.

Коалиция расмий парламент кўпчилигига эга эмас, бироқ Швеция қонунлари ҳукуматнинг бу ҳолатда ҳам ишлашига имкон беради.

Сентябр ойида Швецияда парламент сайловлари бўлиб ўтди: мамлакат фуқаролари бир палатали Риксдагнинг 349 нафар депутатини сайладилар.

Фото: Janerik Henriksson