Шварценеггер яна юрак операциясини бошдан кечирди
ASTANA. Kazinform – Америкалик актёр ва культурист, «Терминатор» фильми орқали кўпчиликга танилган 76 ёшли Арнольд Шварценеггернинг юраги яна бир бор операция қилинди. Бу ҳақда актёр Men’s Health нашрига берган интервьюсида маълум қилди.
Шварценеггер ўзига юрак стимулятори ўрнатилганлигини айтди. Актёр ҳазиллашиб секинлик билан "Терминатор" фильмидаги ролига ўхшаб, роботлашиб бораётганига ишора қилган.
"Мен туғилган Австрияда эркак киши ўзининг соғлиғидаги муаммолар ҳақида гапиришни одат қилмайди", – дейди у.
Актёрнинг олдинги операциялари таъсиридан юрак уришида муаммолар келиб чиққан. Шу боис ҳам юрак стимулятори зарурати пайдо бўлган. Шварценеггер жарроҳлик туфайли оғир жисмоний машқларни тўхтатган. Шунга қарамай у бир ойдан кейин машғулотларга қайтишни режалаштираётганини айтиб ўтган.
Маълумот учун, Шварценеггер биринчи марта туғма юрак нуқсони туфайли 1997 йилда юрак операциясини ўтказган. Актёр 2018 ва 2020 йилларда ҳам худди шундай операцияларни бошдан кечирган.
