Шотландиялик ёш келин-куёв асал ойини ўтказиш учун Кўчманчилар ўйинларига келди
ASTANА. Кazinform - Шотландиялик келин-куёв Маес ва Киеран Шэннон никоҳларини нишонлашнинг ўзига хос усулини танлади. Ёш саёҳатчи жуфтлик Бутунжаҳон кўчманчилар ўйинлари вақтида асал ойини Астанада ўтказишга қарор қилишди.
Келин-куёв Қозоғистонга 10 кун аввал келган, бу уларнинг Марказий Осиёга биринчи ташрифидир.
“Биз Астанага Шотландиядан учдик. Қозоғистонга чипталарни брон қилганимизда, биз Кўчманчилар ўйинлари ҳақида билиб олдик ва ҳақиқатан ҳам боришимиз керак, деб ўйладик. Олдин Кўчманчилар ўйинлари ҳақида эшитмаганмиз”, - дейди Силке Майес.
Силке ва Киеран Астана яқинидаги Бурабайга боришга муваффақ бўлишди.
“Тўғрисини айтсак, бу сафаргача Қозоғистон ҳақида ҳеч нарса билмасдим. Бу ерда Астана каби шаҳарлар эмас, кўплаб далалар бўлади, деб ўйладим. Қозоғистоннинг одамлари, меъморчилиги, табиати ва ҳамма нарсаси бизни ҳайратда қолдирди”, - дейди улар.
Журналист аккредитацияси орқали келин-куёв барча мусобақаларни томоша қилиш имкониятига эга бўлди.
“Кўчманчилар ўйинлари мени жуда ҳайратда қолдирди. Мен нималар кутишни билмасдим. Минг йиллар давомида ишлаб чиқилган анъанавий ўйинларни кўриш ва ҳис қилиш ҳайратланарлидир. Европада бундай нарса йўқ, шунинг учун биз Қозоғистонда буни бошдан кечирганимиздан хурсандмиз”, — деди Киеран Шеннон.
Ҳозир хорижлик меҳмонлар қозоқ урф-одатлари билан яқиндан танишишга қизиқишмоқда. Улар вегетариан бўлганлари учун миллий гўштли таомларни истеъмол қила олмадилар. Бироқ, унга қурт ва жент айниқса ёқди.
Силке ва Киеран 3 йилдан бери саёҳат қилишади ва яна 7 йил давомида ўзларининг саргузаштларини давом эттиришни режалаштиришмоқда.
Улар келгуси бир неча ойни Қирғизистон, Ўзбекистон ва Туркманистонда ўтказиш ниятида. Шундан сўнг келин-куёв Хитойга йўл олишади.
