Шотландияда бўлиб ўтган спидкубинг чемпионатида қозоғистонлик иккинчи бўлди
ASTANA. Kazinform - Қозоғистонлик 16 ёшли мактаб ўқувчиси Алишер Курмаш Эдинбургда бўлиб ўтган халқаро спидкубинг мусобақасида иккинчи ўринни эгаллади, деб хабар беради Kazinform мухбири.
Ўтган ҳафта охирида бўлиб ўтган Edinburgh Winter 2024 Рубик кубик чемпионати Буюк Британия кублари ассоциацияси (UK Cube Association) томонидан ташкил этилган. 23 давлатдан 184 нафар иштирокчи турли йўналишлар бўйича энг тезкор ном учун кураш олиб борди.
Астаналик Алишер Курмаш 3х3х3 ўлчамдаги Рубик кубигини тез ечиш баҳсида кумуш медални қўлга киритди. Биринчи ва учинчи ўринларни Буюк Британия вакиллари Николас Арчер ва Жейкоб Чамберс эгаллади.
Аввалроқ, Алишер ўтган йил ноябрь ойида Шотландиянинг Абердин шаҳрида ўтказилган чемпионатда ҳам худди шундай йўналиш бўйича биринчи ўринни эгаллаган эди.
Муаллиф: Тимур Дюсекеев
