Шимолий Қозоғистон вилоятида “Қарасай” стадиони УЕФА стандартлари бўйича таъмирланмоқда

PETROPAVL. Кazinform – Петропавлдаги «Қарасай» стадиони УЕФА стандартлари асосида жиҳозланади. Таъмирлаш учун 1,3 миллиард тенге ажратилган. Ишнинг боришини италиялик мутахассислар кузатиб боради, деб хабар беради Кazinform мухбири.

Шимолий Қозоғистон вилояти қурилиш, архитектура ва шаҳар қурилиши бошқармаси матбуот хизмати хабарига кўра, Петропавлдаги «Қарасай» стадиони УЕФА стандартларига жавоб бериши учун спорт иншоотининг хавфсизлик тизими алмаштирилади. Кийиниш хонаси ҳам шунга мос равишда ўзгартирилади. Пудратчи корхона Германия ва Италиядан буюртма асосида қурилиш материаллари етказиб беряпти.

Муаллиф: Ақерке Дауренбекқизи