Шимолий Корея шарқ томон 3 та ракета учирди

TOKYO. Kazinform - Япония ҳукумати пайшанба куни эрталаб Шимолий Корея шарқий йўналишда учта ракета учиргани ва улардан бири қитъалараро баллистик ракета бўлиши мумкинлигини айтди. Бу ҳақда Япониянинг Kyodo агентлигига таяниб, Kazinform хабар бермоқда.

Япония ҳукумати дастлаб J-Alertни Шимолий Кореянинг биринчи ракетаси Хонсю ороли устидан учиши ҳақида огоҳлантирган, бироқ кейинроқ ракета Япон денгизи узра радарлардан ғойиб бўлганини маълум қилган.

Ташқи ишлар экспертларининг фикрича, Шимолий Кореянинг сўнгги ракета учириши АҚШ ва Жанубий Корея ўртасида беш йил ичида ўтказган илк кенг кўламли қўшма ҳаво машғулотларига жавоб бўлиши мумкин.

Япония бош вазири Фумио Кисида пайшанба куни Шимолий Кореянинг такрор-такрор ракета учирилишини «варварлик ва ақлга сиғмайдиган ҳаракат» сифатида қоралади.

Жанубий Корея ҳарбийларининг маълум қилишича, Пхеньяннинг Сунан туманидан эрталаб соат 7:40 атрофида узоқ масофали баллистик ракета учирилган, кейин эса эрталаб соат 8:39 да Жанубий Пхеньян вилояти шарқига иккита қисқа масофали ракета учирилган.

Фото: Kyodo